СХД-ийн 7 дугаар хорооны нутаг дэвсгэрт байрлах “Хилчин хотхон”-ы автобусны буудлын ард настай хүн хэвтэж байна гэх дуудлага мэдээлэл 2026 оны тавдугаар сарын 3-ны өдрийн 11:31 цагт цагдаагийн байгууллагад иржээ.
Дуудлагын дагуу шалгалтын ажиллагаа явуулахад 60 гаруй насны эрэгтэй биедээ ил харагдах гэмтэл, шархгүйгээр нас барсан байдалтай байсан байна.
Уг хэргийг СХД-ийн цагдаагийн II хэлтсээс шалгаж байгаа бөгөөд ар гэрийнхний мэдээлснээр тухайн иргэн даралт ихсэх болон зүрхний өвчтэй байсан аж.
