Нөөцийн махны нийлүүлэлттэй холбоотой асуудлын улмаас Ерөнхий сайд Н.Учрал энэ сарын 16-ны Бямба гарагт Нийслэлийн Засаг дарга бөгөөд Улаанбаатар хотын Захирагч Х.Нямбаатарыг үүрэгт ажлаас нь чөлөөлсөн билээ.
Үүнтэй холбоотойгоор хотын шинэ даргыг томилох хүртэлх хугацаанд НЗД-ын орлогч Б.Мөнхбат нийслэлийн Засаг даргын үүргийг түр орлон гүйцэтгэж байна.
Албан бус мэдээллээр хотын шинэ даргад НИТХ-ын төлөөлөгч Ж.Сандагсүрэн, МАН-ын Нарийн бичгийн дарга, тус намын дэргэдэх Социал Демократ Монголын залуучуудын холбооны Ерөнхийлөгч Б.Пүрэвдагва нарын нэрс хүчтэй яригдаж байгаа аж.
Тэгвэл өнөөдөр 10:00 цагаас Монгол Ардын Нам-ын Нийслэлийн хорооны хурал Тусгаар тогтнолын ордон-д эхлэх бөгөөд тус хурлаар хотын шинэ даргад нэр дэвшигчийг албан ёсоор тодруулах юм.
Харин маргааш буюу мягмар гарагийн 11:00 цагаас НИТХ-ын ээлжит бус XII хуралдаан болж, Нийслэлийн Засаг дарга бөгөөд Улаанбаатар хотын Захирагчид нэр дэвшүүлэх асуудлыг хэлэлцэхээр товложээ.
