Т.Өлзийбуян нь нийтийн албан тушаалтнаар ажиллаж байхдаа Төсвийн ерөнхий нягтлан бодогчид тавигдах шаардлага, шалгуур журам болон Нягтлан бодох бүртгэлийн тухай хуулийн холбогдох заалтыг зөрчиж нягтлан бодогчийн мэргэжлээр бакалавр буюу түүнээс дээш зэрэгтэй, их дээд сургууль коллежийг төгсөөгүй Н.О-г нягтлан бодогчоор томилж түүнд 49,7 сая төгрөгийн цалин олгож давуу байдал бий болгосон нь мөрдөн шалгах ажиллагааны явцад цуглуулж бэхжүүлсэн нотлох баримтаар тогтоогдож Авлигатай тэмцэх газрын мөрдөн шалгах хэлтсийн мөрдөгч хэргийг шүүхэд шилжүүлэх тухай санал гарган ирүүлснийг прокурор хянаад яллах дүгнэлт үйлдэн хэргийг шүүхэд шилжүүлжээ.
Анхан шатны шүүх хэргийг хэлэлцээд шүүгдэгч Т.Өлзийбуяныг Эрүүгийн хуулийн тусгай ангийн 22.1 дүгээр зүйлийн 1 дэх хэсэгт заасан Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж бусдад давуу байдал бий болгосон гэмт хэрэг үйлдсэн гэм буруутайд тооцож нийтийн албанд томилогдох эрхийг 2 жил 6 сарын хугацаагаар хасаж, 2 жилийн хугацаагаар зорчих эрх хязгаарлах ял оногдуулж түүнээс 49,7 сая төгрөгийг гаргуулж улсын төсөвт оруулахаар шийдвэрлэлээ.
