Өнөөдөр Үндэсний хиймэл дагуул хөөргөх төслийн хүрээнд боловсруулсан санал, дүгнэлтийг хэлэлцэнэ.

УИХ-ын байнгын хороо, дэд хороо болон ажлын хэсгүүдийн 2026 оны тавдугаар сарын 26-ны

АЖЛЫН ХЭСГИЙН ХУРАЛДААН

09:00 цагт:

• Зөвшөөрлийн тухай хуульд нэмэлт, өөрчлөлт оруулах тухай хуулийн төслийг хэлэлцүүлэгт бэлтгэх ажлын хэсэг 334 тоотод хуралдана.

• Төрийн болон орон нутгийн өмчит компанийн засаглал, бүтээмж, ил тод байдлыг сайжруулахтай холбоотой хуулийн төслүүдийг хэлэлцүүлэгт бэлтгэх ажлын хэсэг “Их Эзэн Чингис хаан” танхимд хуралдана.

11:00 цагт:

• Хүний хөгжил, нийгмийн бодлогын байнгын хорооны дэргэдэх Нийгмийн эрүүл мэндийн тусламж, үйлчилгээний тухай хуулийн хэрэгжилтэд хяналт шалгалт хийх ажлын хэсэг 334 тоотод хуралдана.

ДЭД ХОРООНЫ ХУРАЛДААН

14:00 цагт Инновац, цахим бодлогын хөгжлийн дэд хороо “Үндсэн хууль” танхимд:

• Төрийн хөрөнгөөр хэрэгжүүлсэн мэдээллийн технологийн төслүүдийн хэрэгжилтийн талаар мэдээлэл сонсоно.

• Үндэсний хиймэл дагуул хөөргөх төслийн хүрээнд боловсруулсан санал, дүгнэлтийг хэлэлцэнэ.

БАЙНГЫН ХОРООДЫН ХУРАЛДААН

09:00 цагт:
Төсвийн болон Эдийн засгийн байнгын хорооны хамтарсан хуралдаанаар:

• 2027 оны төсвийн хүрээний мэдэгдэл

• 2028-2029 оны төсвийн төсөөллийн тухай хуулийн төслийн гурав дахь хэлэлцүүлэг

• НӨАТ-ын тухай хуультай холбоотой төслийг хэлэлцэнэ.

Үүний дараа Төсвийн байнгын хороо:

• Хувь хүний орлогын албан татварын тухай хуульд өөрчлөлт оруулах төсөл

• Улсын төсвийн хөрөнгө оруулалтын талаар авах арга хэмжээний тухай тогтоолын төслийг хэлэлцэнэ.

10:00 цагт:
Хүний хөгжил, нийгмийн бодлогын байнгын хороо:

• Монгол Улс дахь хүний эрх, эрх чөлөөний байдлын 25 дахь илтгэл

• Хүүхдийн хөгжлийг дэмжих тухай хуулийн төслийг хэлэлцэнэ.

11:00 цагт:
Хууль зүйн байнгын хороо:

• Замын хөдөлгөөний аюулгүй байдлын тухай хуульд нэмэлт, өөрчлөлт оруулах төсөл

• Үндсэн хуулийн цэцийн дүгнэлт

• Хүүхэд хамгааллын чиглэлээр хийсэн хэлэлцүүлгийн мэдээлэл

• Хүний эрхийн 25 дахь илтгэлийг хэлэлцэнэ.

14:00 цагт:
Төрийн байгуулалтын байнгын хороо:

• Хаврын чуулганаар хэлэлцэх хууль, тогтоолын төслүүд

• УИХ-ын тухай хууль болон чуулганы дэгийн тухай хуулийн нэмэлт, өөрчлөлтийн төслүүдийг хэлэлцэнэ.

15:00 цагт:
Байгаль орчин, хүнс, хөдөө аж ахуйн байнгын хороо:

• ЖДҮХС-ийн зээл, эргэн төлөлттэй холбоотой ажлын хэсгийн дүгнэлт

• Ерөнхий хяналтын сонсголын тов тогтоох асуудлыг хэлэлцэнэ.

ХЭЛЭЛЦҮҮЛЭГ

14:00 цагт Хууль зүйн байнгын хорооноос:

• Төлбөрийн чадваргүйдлийн тухай хуулийн шинэчилсэн найруулгын төслийн талаар хэлэлцүүлэг зохион байгуулна.