Дорноговь аймгийн Өргөн суманд болсон харамсалтай хэрэгтэй холбоотой мэдээлэл цахим орчинд тархаад байна.
Тодруулбал, энэ оны тавдугаар сарын 24-ний өдөр “дунд ангийн сурагч шороонд дарагдаж нас барсан” гэх дуудлага цагдаагийн байгууллагад бүртгэгджээ.
Шалгалтын ажиллагаагаар Дорноговь аймгийн Өргөн сумын хоёрдугаар багийн нутаг дэвсгэрт 13 настай эрэгтэй хүүхэд хогийн цэг дээр тоглож байх үедээ шороонд дарагдан амиа алдсан болохыг тогтоосон байна.
Уг хэргийг Дорноговь аймгийн Цагдаагийн газар шалгаж байгаа аж.
