Үндэсний статистикийн хорооны мэдээллээр, 2026 оны эхний есөн сарын байдлаар уул уурхай, олборлолтын салбарын нийт үйлдвэрлэл 47.7 их наяд төгрөгт хүрсэн байна.
Мөн боловсруулах үйлдвэрлэлийн салбарын нийт үйлдвэрлэл 6.9 их наяд төгрөг, цахилгаан, хий, уур, агааржуулалтын салбарынх 2.08 их наяд төгрөгт хүрчээ.
Харин ус хангамж, сувагжилтын систем, хог хаягдал зайлуулах болон хүрээлэн буй орчныг дахин сэргээх салбарын нийт үйлдвэрлэл 247.7 тэрбум төгрөг болсон байна.
Өнгөрсөн оны мөн үетэй харьцуулахад уул уурхай, олборлолт, боловсруулах үйлдвэрлэл, эрчим хүч болон ус хангамжийн салбарын нийт үйлдвэрлэл өссөн үзүүлэлттэй байна.
Аж үйлдвэрийн салбарын нийт үйлдвэрлэл 2026 оны эхний есөн сарын урьдчилсан гүйцэтгэлээр 57.0 их наяд төгрөгт хүрчээ. Энэ нь өмнөх оны мөн үеэс 20.1 их наяд төгрөг буюу 54.6 хувиар өссөн үзүүлэлт юм.
Үйлдвэрлэлийн өсөлтөд уул уурхай, олборлох болон боловсруулах аж үйлдвэрийн салбарын өсөлт голлон нөлөөлсөн байна.
Тодруулбал, уул уурхай, олборлох аж үйлдвэрийн салбарын үйлдвэрлэл өмнөх оны мөн үеэс 19.0 их наяд төгрөг буюу 65.8 хувиар өссөн бол боловсруулах салбарын үйлдвэрлэл 947.8 тэрбум төгрөг буюу 15.9 хувиар нэмэгджээ.
Ийнхүү 2026 оны эхний есөн сарын байдлаар аж үйлдвэрийн салбарын нийт үйлдвэрлэл өмнөх оны мөн үеэс 20.1 их наяд төгрөгөөр нэмэгдсэн байна.
