Өмнөд Солонгосын алдарт G-Dragon олон жилийн турш хамтран ажилласан “Team GD” багийнхаа менежерүүд болон гол ажилтнуудад өндөр үнэ бүхий тансаг зэрэглэлийн орон сууц бэлэглэсэн нь цахим орчинд олны анхаарлыг татаж байна.
Солонгосын хэвлэлүүдийн мэдээлснээр тэрбээр өөртэй нь 20 орчим жил хамтран ажилласан стилист, менежер, продакшны багийн зарим гишүүддээ Сөүл хотын хамгийн үнэтэйд тооцогддог бүсэд байрлах орон сууц худалдан авч өгсөн аж. Уг байрнуудын үнэ хэдэн тэрбум воноор хэмжигдэх бөгөөд түүний багийнханд зориулсан “талархлын бэлэг” хэмээн тайлбарлажээ.
Фэнүүд нь энэ үйлдлийг “амжилтаа хамт бүтээлцсэн хүмүүсээ мартдаггүй жинхэнэ удирдагч” хэмээн үнэлж байгаа бол зарим нь K-pop салбарын уран бүтээлчид болон арын албаны багийн харилцааны талаар дахин ярилцах шалтгаан болж байна гэж үзжээ.
“Team GD” нь G-Dragon-ийн тайзны хувцас, дүр төрх, тоглолт болон өдөр тутмын үйл ажиллагааг олон жилийн турш хариуцан ажилласан ойрын хүрээний баг гэдгээрээ алдартай юм.
Түүний энэхүү бэлэг нь зөвхөн өндөр үнэ цэнээрээ бус, хамтдаа олон жилийг туулсан хүмүүстээ талархаж буй сэтгэлээрээ олон нийтийн талархлыг хүлээгээд байна.
