Дэлхийн залуусын хэрэглээ, амьдралын хэв маягт өөрчлөлт орж, өмч хуримтлуулах уламжлалт ойлголтоос илүү туршлага, амьдралын чанарыг эрхэмлэх хандлага хүчтэй нэмэгдэж байгааг сүүлийн үеийн судалгаанууд харуулж байна.
Судлаачдын үзэж буйгаар Generation Z буюу Z үеийнхэн орон сууц, автомашин зэрэг өмч хөрөнгө эзэмшихээс илүү аялал, боловсрол, шинэ туршлага, хувь хүний хөгжилд хөрөнгө зарцуулахыг чухалчилж эхэлжээ.
Өмнөх үеийнхний хувьд санхүүгийн тогтвортой байдал өмчөөр хэмжигддэг байсан бол шинэ үеийнхэн амьдралын чанар, уян хатан байдал, дурсамж бүтээх боломжийг илүү үнэ цэнтэй гэж үзэх болсон нь хэрэглээний зах зээлд ч өөрчлөлт авчирч байна.
Судалгаанаас үзэхэд хандлага зөвхөн соёлын өөрчлөлт биш, эдийн засгийн бодит нөхцөлтэй ч холбоотой. Өндөр инфляц, орон сууцны үнийн өсөлт, хөдөлмөрийн зах зээлийн өөрчлөлт зэрэг нь залуусын өмчийн талаарх уламжлалт төсөөллийг өөрчилж буй хүчин зүйлсийн нэг гэж үзэж байна.
Үүний зэрэгцээ Instagram, TikTok зэрэг сошиал платформууд аялал, туршлага, амьдралын хэв маягт суурилсан хэрэглээний соёлыг улам дэмжиж, энэ чиг хандлагыг эрчимжүүлж буйг ажиглагчид онцолж байна.
Энэ өөрчлөлт бизнесийн орчинд ч нөлөөлж, аялал жуулчлал, wellness, experiential үйлчилгээ, дижитал боловсрол зэрэг салбарын өсөлтийг хурдасгаж байна.
Судлаачдын дүгнэж буйгаар залуусын хувьд “эзэмших” гэх ойлголтыг “мэдрэх, турших, амьдрах” гэсэн шинэ үнэт зүйл орлож байгаа нь ирээдүйн хэрэглээний зах зээлийг тодорхойлох томоохон чиг хандлагын нэг болж байна.
