Бүгд Найрамдах Ардчилсан Конго Улсад бүртгэгдсэн Эболагийн дэгдэлт тус улсын түүхэн дэх хамгийн олон хүний амь насыг авч одсон дэгдэлт болжээ.
Наймдугаар сарын 16-ны байдлаар 4,945 хүн халдвар авч, 2,325 хүн нас барсан тухай мэдээлсэн байна. Энэ нь 2018–2020 оны Эболагийн дэгдэлтийн үеэр бүртгэгдсэн 2,299 нас баралтын тоог давсан үзүүлэлт болжээ.
Одоогийн дэгдэлт нь Bundibugyo төрлийн Эбола вирусээр үүсгэгдсэн бөгөөд энэ төрлийн вирусийн эсрэг албан ёсоор зөвшөөрөгдсөн вакцин, тусгай эмчилгээ одоогоор байхгүй байгаа нь нөхцөл байдлыг улам хүндрүүлж байна.
Дэгдэлт анх 2026 оны тавдугаар сард албан ёсоор зарлагдсан бөгөөд халдвар хэд хэдэн мужид тархаад байна. Ялангуяа эрүүл мэндийн дэд бүтэц сул, бүс нутгийн зэвсэгт мөргөлдөөн, хүн амын шилжилт хөдөлгөөн, ташаа мэдээлэл зэрэг нь халдварыг хянах ажиллагаанд томоохон хүндрэл учруулж байгаа аж.
Эрүүл мэндийн ажилтнуудын мэдээлснээр олон тохиолдол хожуу илэрч байгаа нь нас баралтын түвшин өндөр гарахад нөлөөлж байна. Тиймээс олон улсын байгууллагууд халдвар илрүүлэх, хавьтлыг тогтоох, эмчилгээний хүртээмжийг нэмэгдүүлэх ажлыг эрчимжүүлж байгаа юм.
эх сурвалж: WHO
