Их Британи | Аравдугаар сарын 16
Их Британид хүн хөнөөх захиалгат ажиллагаанд оролцохоор ирсэн Норвегийн 19 настай иргэн Йоханнес Конгснес Натландад 20 жилийн хорих ял оноожээ.
Түүнийг Шведийн гэмт бүлэглэлийн захиалгаар хүн амины хэрэг үйлдэхээр төлөвлөсөн хэрэгт буруутгасан байна. Хэрэгт холбогдсон залууд уг ажиллагааг гүйцэтгэснийх нь төлөө 25 мянган еврогийн хөлс амласан байжээ.
Мөрдөн шалгах ажиллагааны явцад Натланд Их Британид ирснээсээ хоёр хоногийн дараа баривчлагдсан бөгөөд тухайн үедээ галт зэвсэг, сумтай байсан нь тогтоогдсон байна.
Мөн мөрдөгчдийн мэдээлснээр түүнийг онлайн тоглоомоор дамжуулан гэмт бүлэглэлд элсүүлж, улмаар хөлсний аллагын төлөвлөгөөнд татан оролцуулжээ.
Энэхүү хэрэг нь цахим орчин, тэр дундаа онлайн тоглоомоор дамжуулан залуусыг зохион байгуулалттай гэмт хэрэгт татан оролцуулах эрсдэлийг нэмэгдүүлж байна.
